GJERMANI- Presidentja e Komisionit Evropian, Ursula von der Leyen njoftoi se sasitë e vaksinave për Bashkimin Evropian do të rriten. Në një intervistë për ‘derstandard’, von der Leyen tha se deri në muajin prill do të jenë rreth 100 milion vaksina dhe se deri në fund të qershorit do të jenë 300 milion vaksina në dispozicion.
“Nga Prilli sasitë mund të dyfishohen përsëri sipas planeve të prodhuesve. Kjo do të ishte mesatarisht rreth 100 milion doza në muaj në tremujorin e dytë, gjithsej 300 milion deri në fund të qershorit,” tha Von der Leyen.
Që nga fillimi i pandemisë deri tani në Evropë janë regjistruar 35,143,993 persona me Covid, ndërkohë që 835,672 të tjerë kanë humbur jetën.
