Tiranë- 17 personalitete të jashtme u pranuan sot në Akademinë e Shkencave, të cilët do të kontribuojnë në cilësinë e ekspertëve në fushat e tyre.
Mes tyre edhe profesor Sokrat Sinaj i cili ka kryer studime postdoktorale në Qendrën Kombëtare Franceze të Kërkimit Shkencor (CNRS) në Nancy, Francë ku mban dhe titullin Prof. Dr. i Shkencave Bujqësore.
Anëtar i Këshillit Koordinues të Diasporës, Sokrat Sinaj nga viti 2007 është përgjegjës për kërkimet shkencore në fushën e të ushqyerit të bimëve bujqësore, Agroscope (Instituti Kombëtar Zviceran i Shkencave Bujqësore) në Zvicër.
Ceremonia u zhvillua në prani të kryeministrit Edi Rama, kryetarit të Akademisë së Shkencave, Skënder Gjinushi dhe te ftuarve të nderit në këtë takim.
17 emrat e personaliteteve që u pranuan sot në Akademinë e Shkencave janë: Ermonela Jaho, Elton Prifti, Sokrat Sinaj, Fioralba Cakoni, Bardhyl Demiraj, Bajram Berisha, Mira Mezini, Ardian Ndreca, Ardian Vehbiu, Kujtim Shala, Eno Koço, Fetah Podvorica, Ali Aliu, Luan Starova, Matteo Mandalà, Francesco Altimari, Rexhep Ismajli.
Prof. Dr. i Shkencave Bujqësore, Sokrat Sinaj është vëllai i deputetit të Partisë Socialiste në qarkun e Vlorës, Vullnet Sinaj.
