Një 32-vjeçar ka plagosur të dashurën e tij 23-vjeçare në një dhomë hoteli në Durrës. Ngjarja mëngjesin e sotëm, kur Fatbardh Doda qëlloi E.K duke e lënë të plagosur në krah. Report Tv ka mësuar se sipas dëshmisë së vajzës Doda ka qenë i pirë dhe arma i ka shkrehur pa dashje.
“Në autostradën Durrës-Tiranë, rreth orës 09:20, në ambientet e një hoteli, në rrethana ende të paqarta, shtetasi F.D, 32 vjeç, banues në Sukth, dyshohet se ka plagosur me armë zjarri pistoletë shtetasen E.K, 23 vjeçe, banuese në Durrës, e cila ndodhet në spital, jashtë rrezikut për jetën.
Shërbimet e Policisë pas marrjes së njoftimit menjëherë kanë shkuar në vendngjarje dhe po krehin zonën me qëllim kapjen e autorit. Në bashkëpunim me DVP Tiranë dhe Fier janë ngritur pika kontrolli në rrugët nacionale. Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e rrethanave të ngjarjes”, thuhet në njoftimin e policisë.
