Princeshë Diana dhe Meghan Markle mund të kenë më shumë të përbashkëta nga sa menduam.
Princesha e ndjerë e Uellsit dyshohet se kishte në plan të shkonte në Kaliforni me djemtë e saj, Princin William dhe Princin Harry, dhe të ndiqte një karrierë në Hollywood.
“Kishte një numër projektesh të mëdha që po krijonte në vetëdijen e saj, përmes ofertave që i ishin ofruar”, tha ish-trajneri i zërit të Dianës, Stewart Pearce, për Daily Mail të martën, me rastin e 24-vjetorit të vdekjes së saj. “Një nga mundësitë kryesore që ajo donte të krijonte ishte të fillonte zhvillimin e dokumentarëve për interesa bamirësie, që më pas do asimiloheshin në filma. Ajo po planifikonte të kalonte shumë kohë në Hollywood. Diana vërtet kishte filluar të eksploronte fuqinë e saj krijuese.”
Pearce vazhdoi duke thënë se Diana ishte lidhur me më të mirët në showbiz dhe ishte konsultuar me njerëzit e duhur. Diana thuhet se kishte ëndrra të mëdha për të shkuar pas kamerës, megjithatë Pearce pohoi se nuk kishte ndërmend të bëhej yll filmash.
“Kjo është diçka për të cilën Diana nuk ishte e interesuar, aspak. Megjithëse ajo ishte një adhuruese dhe entuziaste e madhe për artet e shfaqjes, veçanërisht vallëzimin, aktrimi nuk ishte diçka që ajo e pa si trajektoren e saj të re krijuese.“
Diana u martua me Princin Charles në vitin 1981. Së bashku ata mirëpritën princin William në vitin 1982 dhe Harry-n në 1984-ën. Çifti u divorcua në vitin 1996. Pas divorcit të saj, Diana filloi të takohej me producentin egjiptian të filmave, Dodi Fayed. Dyshja humbën jetën tragjikisht në një aksident me makinë kur Diana ishte vetëm 36 vjeçe.
Aspiratat e Dianës për të marrë dhe transferuar fëmijët e saj në Shtetet e Bashkuara janë jashtëzakonisht të ngjashme me rrugën që Harry dhe Meghan Markle, kanë marrë me lëvizjen e tyre në Montecito, Kaliforni, pas largimit nga familja mbretërore vitin e kaluar. Duka dhe Dukesha e Sussex kanë nënshkruar që atëherë disa marrëveshje librash, filmash dhe podkastesh.
