Kristen Stewart ka folur për një ndjesi të çuditshme gjatë xhirimeve të filmit ‘Spencer’, në rolin e Lady Diana.
Në një intervistë për LA Times pas premierës së filmit në Amerikën e Veriut në Telluride, Stewart tha se kishte disa “ndjenja drithëruese, shpirtërore” në xhirimet e fundit, të cilat po zhvilloheshin gjatë pushime të Krishtlindjeve të vitit 1991, kur Diana qëndronte në shtëpinë Sandringham.
“Mund të ishte thjesht fantazi, por unë shpesh e ndjeja praninë e saj. Diana u ndje aq e gjallë për mua kur po bëja këtë xhirim, saqë kishte momente kur trupi dhe mendja ime harronin që ajo kishte vdekur. Ishte e çuditshme. Dhe e mahnitshme. Unë kurrë nuk kisha ndjerë diçka të tillë në jetën time. “
‘Spencer’, i drejtuar nga regjisori kilian Pablo Larraìn, është vlerësuar gjerësisht që nga premiera e tij botërore në festivalin e filmit në Venecia të premten. Kristen Stewart u përgëzua për përsosmërinë me të cilën ka realizuar punën e saj si aktore.
