Nëse keni menduar ndonjëherë se cila diplomë universitare do t’ju sillte përftimin më të lartë në raport me investimin tuaj, kompania njujorkeze Bankrate ju sjell një listë të 159 degëve më shumë dhe më pak fitimprurëse të vitit 2021.
Bankrate ka bërë një listë të 159 programeve universitare duke i renditur nga më fitimprurësja deri tek ajo më pak fitimprurëse, në bazë të të dhënave të mara nga Byroja Amerikane e Shërbimeve Komunitare, intervistave me më shumë se 2 milionë amerikanë dhe një analize të thellë të të diplomuarve që janë bërë tashmë pjesë e forcës punëtore.
Sipas rezultateve të nxjerra, degët më fitimprurëse për momentin konsiderohen ato që i përkasin fushave STEM – që përfshijnë shkencën, teknologjinë, inxhinierinë dhe matematikën.about:blank
Dega me probabilitetin për të qenë më fitimprurëse për vitin 2021 u zgjodh Inxhinieria Arkitektonike (që nuk duhet ngatërruar me Arkitekturën). Të diplomuarit e kësaj dege, marrin një rrogë vjetore mesatare prej $90,000 dollarësh amerikanë dhe norma e papunësisë për këtë degë është 1.3%.
Në fakt, dega që morri vendin e parë për sa i përket pagesës mesatare më të lartë ishte Inxhinieria Elektrike, me një pagë vjetore prej $107,000 dollarësh. Por, norma e papunësisë për këtë e degë ishte paksa më e lartë (2.3%) gjë që ja humbi asaj vendin e parë në listë.
5 më fitimprurëset:
- Inxhinieria arkitektonike
Paga vjetore mesatare: $90,000; norma e papunësisë: 1.3%
- Menaxhim Ndërtimi
Paga vjetore mesatare: $80,000; norma e papunësisë: 1%
- Inxhinieria Kompjuterike
Paga vjetore mesatare: $101,000; norma e papunësisë: 2.3%
- Inxhinieria e Hapësirës Ajrore
Paga vjetore mesatare: $100,000 ; norma e papunësisë: 1.9%
- Shkencat e Transportit dhe Teknologjisë
Paga vjetore mesatare: $86,000; norma e papunësisë: 1.8%
5 më jo-fitimprurëset:
- Psikologjia Klinike
Paga vjetore mesatare: $49,000; norma e papunësisë: 3.8%
- Kompozim dhe Komunikim
Paga vjetore mesatare:$42,000; norma e papunësisë: 4.9%
- Drama dhe Artet Teatrale
Paga vjetore mesatare: $41,000; norma e papunësisë: 4.5%
- Arte Vizuale të Ndryshme
Paga vjetore mesatare: $38,000; norma e papunësisë: 5.6%
- Arte Vizuale dhe Performative
Paga vjetore mesatare: $35,500; norma e papunësisë: 3.6%
