Dhjetëra mijëra njerëz dolën në rrugët e Vjenës të shtunën, fundjavën e dytë të protestës masive për vendimin e qeverisë austriake, për të vendosur një izolim të ri të ashpër dhe për të planifikuar një mandat gjithëpërfshirës të vaksinës mbarëkombëtare, në luftën kundër një rritjeje shqetësuese të rasteve infektimeve dhe vdekjeve nga Covid.
Turma ishte mbi 40,000 njerëz, tha policia e Vjenës në një postim në Twitter, dhe rreth 1,500 njerëz organizuan kundërprotesta. Demonstrata ishte kryesisht paqësore, por policia raportoi se disa protestues kishin hedhur lëndë plasëse. Pati disa arrestime dhe policia tha se përdori ‘piper spray’ në përpjekje për të shpërndarë turmat.
Partia e ekstremit të djathtë, ka përforcuar teoritë e konspiracionit në lidhje me vaksinat, duke përhapur dyshime për efektivitetin e tyre. Njerëzit mbanin tabela që shkruanin, “Unë do të vendos për veten time” dhe “Bëjeni Austrinë të madhe përsëri“, sipas Reuters.
Lëvizjet vijnë pas disa muajsh përpjekjesh për të ndalur infektimin përmes testimeve dhe kufizimeve të pjesshme. Austria fillimisht kishte vendosur një bllokim vetëm për ata që ishin të pavaksinuar. Austria ka njoftuar gjithashtu se vaksinimi do të bëhet i detyrueshëm që nga 1 shkurti, duke e bërë atë vendin e parë perëndimor që e ndërmerr atë hap dhe një nga të paktët në botë.
