Tiranë- Sot në orën 13:30 do të mbërrijnë në Rinas 50 gra e fëmijë, të cilët braktisin kampin ‘famëkeq’ ‘Al-Hol’. Në orën 13:00 do të mbërrijnë në Rinas ku më pas do të ndjekin procesin e rehabilitimit, dhe nuk do të kthehen në shtëpi.
Lajmin për fëmijët që kishin arritur të shpëtonin ditën e djeshme, e dha vetë kreu i qeverisë, Edi Rama, ku paralajmëroi se operacioni do të vijonte deri në rikthimin e rreth 50 të miturëve të tjerë që janë larguar drejt Sirisë për të parë në sy vdekjen.
Për të gjithë të riatdhesuarit, ministri Lleshaj tha dje se nuk do të shkojë pranë familjëve të tyre, por fillimisht do t’u bëhen kontrollet mjekësore. Më pas, do të trajtohen nga specialistë për rehabilitimin e tyre.
Gjysmëhëna e Kuqe siriane në bashkëpunim me autoritetet vendase dhe qeverinë shqiptare kanë mundur që të kthejnë në vendlindje Floresha Rashën dhe tre fëmijët e saj, Amar, Emel dhe Hatixhe. Bashkë me ta do të rikthehet edhe Endri Dumani, i cili tanimë i ka mbushur 14 vjeç. Ndërkohë mbetet ende mister fati i motrës së tij, Evës, e cila nuk pranoi që të kthehej në Shqipëri.
