Italia ka raportuar një numër rekord ditor të rasteve të reja për të dytën ditë radhazi. Totali i tij i fundit është 189,109 raste krahasuar me totalin e së martës prej 170,844.
Numri ditor i vdekjeve të lidhura me koronavirusin ra në 231 nga 259. Italia ka regjistruar 138,276 vdekje të lidhura me virusin që nga shpërthimi i tij në shkurt 2020, dhe ka raportuar 6.76 milionë raste deri më sot. Pacientët në spital me Covid – pa përfshirë ata në kujdesin intensiv – ishin 13,364 të mërkurën, nga 12,912 një ditë më parë. Pati 132 pranime të reja në njësitë e kujdesit intensiv, kundrejt 153 të martën. Numri i përgjithshëm i pacientëve të kujdesit intensiv u rrit në 1,428 nga 1,392 e mëparshme.
Po ashtu edhe Franca tejkaloi shifrën rekord të 300 mijë rasteve që ekspertët u shprehën se do të regjistrohej në vazhdim. Ministri francez i shëndetësisë, Olivier Veran, i tha parlamentit se rastet e reja ishin rreth 335,000, duke shënuar një rekord të ri ditor në Francë . Franca raportoi gjithashtu 246 vdekje të tjera nga Covid në spitale në 24 orët e fundit. Dhe 3,695 njerëz të tjerë në njësitë e kujdesit intensiv me virusin. Rritje rekord të rasteve me Covid janë raportuar sot edhe në Turqi, Suedi, Holandë dhe Izrael.
