‘Unë jam Georgina’ është historia e një nëne, influencuese, biznesmene dhe partnere e një prej futbollistëve më të mëdhenj të të gjitha kohërave — “Unë jam Georgina” është një nga dokumentarët më të ndjekur e më të përfolur momentalisht në Netflix. Dokumentari për jetën e Georgina Rodriguez u shfaq premierë në 27 janar 2022 dhe vetëm në 1 javë ka rrëmbyer vëmendjen e mijëra fansave në të gjithë botën, si edhe ka bërë të lumtur një numër të pafund fansash si të vetë Georginas, ashtu edhe të futbollistit portugez Cristiano Ronaldo.
‘Unë jam Georgina’, reality show i ri i Netflix
Qysh në minutat e para të transmetimit, ne tërhiqemi nga jeta e një 27-vjeçareje modele spanjolle, Georgina Rodriguez. Ajo është një personazh i famshëm dhe influencuese mjaft e dashur e rrjeteve sociale. Megjithatë, rruga e saj drejt famës nuk ishte e lehtë. Një nga arsyet e shumta që Georgina zgjodhi ta ndajë këtë histori të jetës së saj është të frymëzojë njerëzit. Megjithëse jeta e saj mund të ketë qenë fare modente në fillimet e saj dhe me shumë pengesa, ajo i kaloi të gjitha dhe arriti të jetë në majë.
“Unë jam Georgina” ka gjithsej gjashtë episode në sezonin e parë, por fansat kanë shansin edhe të kenë akses në prapaskenat e jetës së modeles së njohur.
“Soy Georgina” është ajo që fshihet pas kopertinës, historisë dhe tapetit të kuq”, – tha influencuesja në Instagramin e saj.
Seriali zbulon më shumë anën emocionale të jetës së Georgina-s dhe marrëdhënien e saj romantike me sulmuesin e Manchester United, Cristiano Ronaldo.
Rritja e saj është jashtëzakonisht frymëzuese për shikuesit. Një modele e trajnuar që ka punuar për markat e njohura si Grazie, Men’s Health, Women’s Health, Glamour, Yamamay dhe shumë të tjera. Kryesisht, ajo ka nënshkruar gjithashtu një kontratë 5-vjeçare në Instagram me PrettyLittleThing në korrik 2020, duke u bërë pasardhëse e yjeve të famshëm si Kourtney Kardashian dhe Molly Mae Hague për kompanitë e modës.
Në dokumentar nuk mungon as dashuria dhe mbështetja e Cristiano-s për Georgina. Pesë herë fituesi i Topit të Artë ka sunduar zemrat e tifozëve të futbollit që kur hodhi hapin e tij të parë në fushë. Megjithatë, ai nuk është vetëm një futbollist i pasionuar, por edhe një partner pasionant dhe një baba i dashur – cilësi të cilat dalin më shumë në pah përmes këtij dokumentari special.
