Mali i Zi dhe Maqedonia e Veriut nuk do të konkurrojnë në Eurovizionin e vitit të ardhshëm për shkak të kostove të pjesëmarrjes. Transmetuesit paguajnë një tarifë për të marrë pjesë në konkurs, por shuma ndryshon në varësi të madhësisë së vendit.
Rusia, një kontribues i madh financiar, u përjashtua nga konkursi i këtij viti pasi pushtoi Ukrainën. BBC News ka raportuar se disa vendeve u është kërkuar të paguajnë më shumë pasi Rusia u ndalua nga konkursi. “Përveç kostove të konsiderueshme të tarifave të regjistrimit, si dhe kostos së qëndrimit në Britaninë e Madhe – ne u përballëm edhe me mungesë interesi nga sponsorët, ndaj vendosëm t’i drejtojmë burimet ekzistuese për financimin e projekteve kombëtare aktuale dhe të planifikuara,” -tha transmetuesi publik i Malit të Zi, RTCG.
Po ashtu, kriza energjetike në Maqedoninë e Veriut dhe rritja e tarifës së regjistrimit për pjesëmarrje e detyroi vendin të marrë vendimin për të anuluar pjesëmarrjen.
Sipas BBC, pritet gjithashtu që disa vende të tjera të tërhiqen si rezultat i kostos shtesë.
