Duket se Partia Socialiste po provon motorët për zgjedhjet e ardhshme lokale të 14 majit. Burime për ABC bëjnë të ditur se kryeministri Edi Rama në orën 16:00 do të mbledhë drejtuesit e qarqeve, ku në fokus të diskutimeve do të jenë organizimet e strukturave vendore për zgjedhjet.
Emrat e kryebashkiakëve që do të garojnë në zgjedhjet lokale të 2023 do të vendosen nga kryesia e PS, ndryshe nga Partia Demokratike e Sali Berishës që i ka zgjedhur kryetarët përmes Primarëve.
Kujtojmë se nga ana tjetër PD do të jetë e ndarë edhe në këtë zgjedhje lokale. Edhe pse pati një përpjekje për bashkim, grupi i Berishës nuk gjeti gjuhën e përbashkët me atë të Alibeajt.
