“Thuajse miq”, titulli i filmit të famshëm francez mishërohet plotësisht në finalen e këtij Botërori pasi përballë do të jetë dy yjet e PSG, Messi vs Mbappe. Mes tyre u desh shumë kohë të vendosej paqja, gjatë 1 viti e gjysmë, që kur Messi zbarkoj në Paris, mes tyre ka pasur jo pak fërkime, shigjetimi, aq sa Mbappe vendosi ndjeshëm në dyshim edhe të ardhmen e tij te PSG pasi nuk e kishte të vështirë të qëndronte në një ekip me Messi-n dhe mikun e tij Neymar.
Mbappe dhe Neymar nuk janë miq, këtë e kanë reflektuar shumë herë, janë kapur publikisht edhe për një penallti. Ylli francez kërcënoi me largim, apo vendosi nën presion presidentin Al Khelaifi që Neymar, miku i Messit, të nxirrej në shitje. Situata sikur është qetësuar disi këtë sezon, fill pasi Mbappe vendosi të rinovoj kontratën e tij me PSG.
Detaji i fundit që bëri jo pak zhurmë ishte edhe komenti i tij në statusi e Ronaldo-s, ku kurora apo simboli i cjapit, u lexua si një thumbim ndaj Messi-t. E sigurt është se në finalen e Botërorit, Messi dhe Mbappe nuk do të sillen në fushë si miq, të dy do të kërkojnë me çdo kusht kupën e artë.
