Në 77-vjetorin e hedhjes së bombës atomike nga Shtetet e Bashkuara në Nagasaki, gjatë Luftës së Dytë Botërore, qyteti japonez mbajti homazhe në nder të të mbijetuarve, duke paralajmëruar gjithashtu për rrezik nga sulme të ardhshme bërthamore.
“Kërcënimi i armëve bërthamore dhe përdorimi i tyre po bëhet real. Ndërsa përpjekjet për një botë pa armë atomike po bëjnë hapa prapa, unë do të vazhdoj të apeloj që gabimet e së kaluarës të mos përsëriten”, tha Fumio Kishida, kryeministër i Japonisë.
Gjatë ceremonisë së mbajtur në Parkun e Paqes, të mbijetuar të sulmit krahasuan situatën e atëhershme me atë të pushtimit rus të Ukrainës sot.
“Sirenat e sulmeve ajrore në Ukrainë më kujtojnë frikën që ndjeva kur u hodh bomba atomike”, u shpreh Takashi Miata, i mbijetuar i sulmit të Nagasakit.
Më 9 gusht të 1945-s, rreth 140 mijë persona mbetën të vrarë kur Shtetet e Bashkuara hodhën bombën atomike mbi Hiroshimë. Vetëm 3 ditë më vonë, Uashingtoni hodhi bombën e dytë mbi Nagasaki, duke vrarë 70 mijë persona të tjerë.
