Në Gjermani, shteti me ekonominë më të fuqishëm të Europës, njerëzit kanë vërshuar të blejnë dezinfektues e letër higjienike, duke bërë që shitjet e tyre të rriten ndjeshëm.
“Paniku i blerjeve ka shpërthyer sërish”, deklaroi zyra gjermane e statistikave e cila llogarit që blerja e letrave të tualetit te jete rritur brenda një javë në masën 90%, dezinfektuesit 72.5 për qind dhe sapuni 62.3 për qind. Gjermania ka qenë më e suksesshme në luftën kundër koronavirusit, krahasuar me shumë shtete të tjera evropiane, përfshirë Britaninë dhe Francë, por shifrat edhe atje rriten me ritëm të shpejtë javët e fundit.
Duket se ftohja e motit ka ndikuar duke shtuar rrezikun pasi njerëzit kalojnë më shumë kohë në ambiente të mbyllura. Për këtë arsye, qeveria gjermane është duke investuar 500 milionë euro për të përmirësuar sistemet e ventilimit në ndërtesa publike, me qëllim të luftimit të koronavirusit. Grantet do të shkojnë për përmirësim të qarkullimit të ajrit në zyra publike, muze, teatro, universitete dhe shkolla.
