Shkencëtarët filipinas pretendojnë se vaji i kokosit mund të shkatërrojë koronavirusin. Pasi kanë bërë disa studime mbi ndikimin e vajit të virgjër të kokosit te njerëzit me COVID-19, studiuesit thanë se vaji duket se ka ndikim të jashtëzakonshëm në sëmundjet e mushkërive të shkaktuara nga koronavirusi.
“Pas gjashtë muajsh eksperimente, shkencëtarët në Filipine zbuluan se një dietë e pasur me vaj kokosi të virgjër ul ndjeshëm numrin e infektimeve të koronavirusit me 60% deri në 90% për rastet e lehta deri në ato të moderuara”,- tha këtë të hënë Fortunato dela Pena, nga Departamenti i Shkencave, pranë qeverisë.
Sidoqoftë, dermatologët paralajmërojnë se vaji i kokosit është një krem hidratues okluziv, që do të thotë se bllokon lagështirën nën lëkurë dhe kjo mund të çojë në “shpërthim” ose përkeqësim të puçrrave ekzistuese, prandaj ata nuk e këshillojnë përdorimin në fytyrë.
Rezultatet e provave klinike mbi vajin e virgjër të kokosit do të përcaktojnë nëse mund të përdoret si një terapi shtesë për pacientët me COVID-19. Dela Pena tha se një analizë e vajit si një agjent i mundshëm antiviral mund të dalë në javën e dytë të nëntorit.
Në Filipine, ndërkohë, vaji i virgjër i kokosit është lehtësisht i disponueshëm dhe konsumohet gjerësisht. Filipinet njihen edhe si vend eksportues të kokosit.
