Në këto 30 vite, deklaron Dashamir Shehi, nuk është dërguar asnjë para drejtësisë.
Në emisionin “Quo Vadis”, ai u pyet edhe nëse mendon që do të bashkëpunojnë me Jozefina Topallin dhe Astrit Patozin. “Mendoj që deri në fund ka shans për bashkëpunim”, u përgjigj kreu i LZHK-së.
Përtej konflikteve dhe akuzave, sipas tij, ka ende hapësirë për bashkëpunim.
“Nqs do t’i kthehmi realitetit demokratik dhe të flasim me terma konkrete siç folëm 30 vjet më parë, i bie do ta pranojmë Bashën me gjithë defektet e Bashës. Unë e gjykoj që përtej sherreve, inateve ka hapësirë për bashkëpunim, gjithmonë nëse do ta vëmë politikën me këmbë në tokë të parën përtej inateve personale, përtej mungesës në karrierë, përtej padrejtësive që mund të jenë bërë. Unë i konsideroj kolegë, përsa kohë vazhdojnë në një farë mënyrë, quhen opozitarë dhe bëjmë luftë kundër Ramës, për mua vija e kuqe është Edi Rama. Nqs ato kanë i bërë edhe një vijë blu Bashës, është tjetër gjë. Nqs ato qëndrojnë kundër kësaj vije të kuqe, në çfarëdolloj rrethane duhen konsideruar si kontribues në demokracinë shqiptare, pastaj fitojmë apo jo varet nga zotësia e tyre.”
