Në një studim të botuar në qendrën për modelimin matematik të sëmundjeve infektive, u hetua transmetueshmëria e llojit të ri të koronavirusit.
Ky variant duket se është rritur në incidencë gjatë periudhës së fundit të bllokimit kombëtar dhe ka vazhduar të rritet pas bllokimit pavarësisht se shumë nga zonat e prekura janë në nivelin më të lartë të kufizimeve.
Studimi gjithashtu zbuloi se pavarësisht nga masat e kontrollit të simuluara, të gjitha rajonet e NHS u parashikuan të përjetonin një valë të mëvonshme të rasteve dhe vdekjeve COVID-19, duke arritur kulmin në pranverën e vitit 2021 për Londrën, Jug-Lindjen dhe Lindjen e Anglisë dhe në verën e vitit 2021 për pjesën tjetër të Anglisë, shkruan Express.co.uk.
Në mungesë të shtrirjes së konsiderueshme të vaksinave, rastet, shtrimet në spital, pranimet në kujdesin intensiv dhe vdekjet në 2021 mund të tejkalojnë ato në vitin 2020, u vu re. “Mbylljet e shkollave në janar 2021 mund të ndihmojnë në vonimin e pikut dhe uljen e barrës totale në një periudhë afatshkurtër”, tha studimi.
Për fat të mirë, shtrirja e vaksinave do të ndihmojë në zbutjen e mëtejshme të transmetimit.
Për të përcaktuar këtë model studiuesit analizuan nivelet e incidencës së simptomave të mbledhura nga Organizata Botërore e Shëndetësisë (OBSH) për më shumë se 55,000 raste të konfirmuara me llojin e ri të COVID-19.
Sipas gjetjeve të studiueseve, rendi i simptomave përfshin:
Temperaturë
Dhimbje e muskujve dhe kollë
Diarre
Të përziera dhe të vjella
