Tiranë- Tire Alldervishaj, sanitarja e Shefqet Ndroqit, e cila i mori 8 milion lekë një vajze që të përkujdesej për mamanë e saj ka apeluar vendimin e shkallës së parë ditën e premte, duke kërkuar lirinë.
55-vjeçarja ka depozituar kërkesën në Gjykatën e Apelit nëpërmjet avokates së saj mbrojtëse, ku kërkon masë më të butë sigurie. Ndërkohë, që gjykata nuk ka cakatuar ende datën për zhvillimin e kësaj seance.
Bëhet me dije se në kërkesë Tirja është shprehur se ka qenë e prekur me Covid. Në kërkesë ajo shprehet se nuk është negativizuar dhe se përbën rrezik për të infektuar edhe të tjerët në burg.
Sanitarja akuzohet për “mashtrim më shumë se një herë”, dhe dyshohet në bashkëpunim, por nga materiali referues që policia i ka dërguar prokurorisë nuk rezultojnë ende të zbardhur emra të tjerë. Në ditët në vijim prokuroria pritet që të marrë në pyetje disa persona, punonjës në spitalin “Shefqet Ndroqi”.
