Itali- Prokurori i Anti-mafias italiane, Nicola Gratteri në një dëgjesë publike në Komisionin Anti-mafia të Parlamentit italian, ka deklaruar se duhet kurajo për të goditur mafian në Evropë.
“Ndaj kontrastit mafioz në Europë duhet më shumë kurajë. Gjatë viteve të fundit kemi prekur qendrat e fuqive mafioze, që dikur as në subkoshiencë nuk mendonim të prekeshin. Njerëzit e vlerësojnë këtë, por gjëja që kam vënë re, është se ka një klasë të mesme sociale që mund të kuptoj qysh në letër, atë ç’ka po bëjmë, e përkundrazi tregojnë solidaritet ndaj personave që për ne kanë kryer krime. Kjo gjë më preokupon e trishton.”-tha Gratteri.
Teksa komentoi edhe finalizimin e operacionit “Profili i Ulët”, që bëri bujë në Shqipëri, pikërisht me përgjimet e Ndragheta-s, Gratteri tha se hetimi është i rregullt.
“Përgjithësisht ne jemi në rregull me dokumentacionin tonë. Gjithçka që kemi bërë e kemi kryer me kodin e punës në duar. Kam besim të madh tek gjykatësit e kam raport të qetë me të gjithë gjykatësit. Mbi të gjitha me Kryetarin e Gjykatës së Apelit, një njeri i madh që i ka qëndruar mjaft pranë viteve të fundit Prokurorisë së Katanzaros.” “Në planin teknik të hetimeve e të strategjisë kam ide shumë të qarta. Shkallë që ngremë nivelin shohim njerëz që na mbështesin pavarësisht personave që po hetojmë e pa lexuar dhe dokumentacionin tonë. Prandaj kemi nevojë për gazetarë që përcjellin një rrëfim ekzakt të fakteve e që t’i shkojnë atyre deri në fund.”
