Nextdoor, rrjeti social i komuniteve të lagjeve po përjeton aktualisht momentin e tij më magjik. Dhe në betejën tashmë të gjatë mes shtypit të shkruar dhe Internet po lë pas në Shtetet e Bashkuara të Amerikës të përditshmet vendore tradicionale.
Për t’u regjistruar duhet të dëshmosh se jeton në një lagje të caktuar, lidhesh me emrin dhe duhet të kesh të dukshme të paktën adresën. Ajo që garanton privatësinë dhe mbron nga keqbërësit e mundshëm është fakti se se mund të kërkohen dhe të lidhen vetëm banorët e të njëjtës lagje.
Të ardhurat për “Nextdoor” vijnë nga reklamat vendore, meqënëse kushdo mund të hapë falas një faqe dhe të shpenzojë pak dollarë për reklamim.
Me seli në San Francisco, një fillesë tipike e Silicon Valley, “Nextdoor”, që fillimisht ishte më tepër një vend-gjetjeje on line për lagjen, për shembull mund të kërkohej një dado apo dyqanet që ishin ende hapur. Por ngadalë po transformohet në dicka shumë më të madhe, duke marrë rolin që dikur kishte shtypi vendor, një vektor lajmesh vendore, ngjarjesh, diskutimesh dhe tezash.
Ndryshe nga rrjetet e tjera sociale si Facebook dhe Twitter, algoritmi i Nextdoor konsiderohet më pak agresiv. Nuk ka ‘ndjekës’ por vetëm fqinj me emër dhe mbiemër.
Lajmet e lagjes (përveç në raste të jashtëzakonshme) nuk bëhen kurrë virale, ‘lajmet e mira’, gjithnjë e më të vështira për t’u gjetur në gazetat vendore dhe lajmet vendore, janë gjithmonë më të lexuara dhe më të shikuarat.
Në vitin e pandemisë për shumë komunitete në Shtetet e Bashkuara të Amerikës u bë një rrjet thelbësor shoqëror. Pas suksesit në Shtetet e Bashkuara, ai është përhapur në vende të tjera (Hollanda e para, e ndjekur nga Gjermania dhe Franca) dhe që nga viti 2018 “Nextdoor” është gjithashtu i pranishëm në Itali.
Në përgjithësi, ai operon në rreth 268 mijë lagje në të gjithë botën dhe është gati të listohet në bursë me një vlerësim që sot llogaritet 5 miliard dollarë. Vetëm në Çikago ka 280 mijë përdorues (17 përqind të familjeve të metropoleve), në SH.B.A. ka 34 milion abonentë.
