Tre njerëz janë vrarë, dy prej të cilëve iu është prerë koka, ndërsa disa të tjerë janë therur me thikë në sulmin terrorist në katedrale në Nicë. Sulmi filloi rreth orës 9 të mëngjesit, ndërsa po zhvillohej Mesha në bazilikën e Notre Dame, kisha më e madhe Katolike Romake në Nisë. Dy prej personave të vrarë vdiqën brenda kishës.
Policia ka mbërritur shpejt në zonë dhe ka arrestuar përgjegjësin e sulmit, i cili është dërguar në spital. Sipas burimeve të policisë ai vepronte i vetëm.
Deri më tani dihet se dy prej të vdekurit janë një grua dhe një burrë, ndërsa një tjetër viktimë ishte roja e një kishe. Ndërkohë kryebashkiaku ka theksuar se sulmuesi vazhdonte të bërtiste gjithë kohës Allahu Ekbar (Zoti është më i madhi).
Politikanët francezë po merrnin pjesë në një debat mbi kufizimet e reja të koronavirusit të vendit kur morrën vesh lajmet e sulmit. Pikërisht në këtë moment, ata kanë mbajtur një minutë heshtje. Presidenti i vendit, Emmanuel Macron la takimin dhe pritet së shpejti të shkonjë në Nicë.
