TURQI-Presidenti turk Rexhep Tajip Erdogan ka zhvilluar një bisedë telefonike me homologun e tij iranian Hassan Rouhani. Sipas mediave të huaja, Erdogan i ka thënë homologut të tij iranian se ai pa një dritare mundësie për Iranin dhe Shtetet e Bashkuara pas deklaratave të fundit mbi sanksionet, duke shtuar se ai donte që sanksionet amerikane ndaj Teheranit të hiqeshin.
“Presidenti Erdogan, i cili deklaroi se dëshironte që administrata e re e SH.B.A. të hiqte dorë nga sanksionet e njëanshme ndaj Iranit dhe të hiqte kufizimet mbi prosperitetin e popullit iranian, tha se deklaratat mbi këtë çështje ditët e fundit kishin çuar në një dritare të re të mundësive,”-thuhet në një deklaratë të presidencës.
Po ashtu, Erdogan theksoi vullnetin për forcimin e marrëdhënieve Turqi-Iran. Sipas një deklarate nga Drejtoria e Komunikimit, ekonomia, transporti, siguria dhe fusha të tjera për të përmirësuar bashkëpunimin Turqi-Iran dhe zhvillimet rajonale u diskutuan gjithashtu.
