Itali- Policia italiane ka goditur dy banda të trafikut të drogës, që vepronin në Milano, duke kryer arrestime të shumta.
Mediet italiane shkruajnë se bandat përbëheshin kryesisht nga italianë dhe shqiptarë, të cilët trafikonin sasi të mëdha kokaine dhe marijuane në Lombardi, që më pas i shpërndanin në zona të ndryshme të Italisë. Arrestime janë kryer thuajse në shumë zona në Itali,si: Bergamo, Brindisi, Lodi, Pavia, Reggio Calabria, Reggio Emilia, Roma dhe Varese, përfshirë këtu edhe dy arrestime në Shqipëri .
Hetimi për goditjen e këtyre bandave është koordinuar nga drejtori i Anti-Mafias së Milanos, dhe ka çuar pas hekurave disa trafikantë. Gjatë aksionit, janë sekuestruar një kompani, 3 skuterë, 2 motorë dhe 9 makina.
