Vlorë- Mesditën e sotme qyteti i Vlorës është tronditur nga një ngjarje e rëndë! Një person është ekzekutuar në lagjen “Bashkimi”, në afërsi të Gjykatës së Apelit.
Burime bëjnë me dije se autori ka dalë nga një automjet dhe ka qëlluar në drejtim të viktimës, i identifikuar nga policia si shtetasi T.GJ, 31- vjeç, i cili pak minuta ka mbetur i shtrirë përtokë dhe më vonë është nisur drejt spitalit, ku humbi jetën pasi nuk iu shpëtoi dot plagëve.
Policia ka mbërritur në vendngjarje ku janë ngritur edhe pika kontrolli për kapjen e autorëve të dyshuar. Burime bëjnë me dije se dëshmitarët nga vendngjarja kanë identifikuar autorin.
‘Fax Web’ ka siguruar videon nga vendngjarja ku shihet se trupi i pajetë i viktimës është ende i shtrirë përtokë.
NJOFTIMI I POLICISE
Më datë 03.03.2021, rreth orës 14:20, në lagjen “Bashkimi”, në afërsi të Gjykatës së Apelit, Vlorë, është qëlluar me armë zjarri, në rrethana ende të paqarta shtetasi T.Gj., 31 vjec, i cili si pasojë e plagëve të marra ka ndërruar jetë në Spitalin e Vlorës.
Shërbimet e Policisë kanë mbërritur menjëherë në vendgjarje ku është rrethuar zona dhe janë ngritur pika kontrolli në hyrje dhe në dalje të qytetit dhe përgjatë rrugëve që lidhin njësitë administrative me qëllim kapjen e autorit. Grupi hetimor po vijon punën për sekuestrimin e çdo prove materiale që do ti shërbej zbardhjes së ngjarjes dhe identifikimit të autorit/ve.
