COVID-19 i ka marrë jetën një mësuesi në shkollës “Qemal Stafa” në Tiranë. Njoftimi, i dhënë nga kolegët e arsimtarit, sqaron se betejën me virusin e ka humbur Shpëtim Kraja. Stafi ka shkruar disa fjalë për Krajën duke e cilësuar një mësues të nderuar që dha më të mirën nga vetja për breza të tërë.
“Një mësues i nderuar, i respektuar, i papërtuar i cili nuk ndaloi asnjëherë së dhëni më të mirën nga vetja, breza e breza të tërë do të kujtojnë me mall mundin, djersën, sakrificat, këshillat dhe dëshirën e pasionin për matematikën”, shkruhet në reagimin e shkollës.
