RUSI- 200 politikanë dhe deputetë të opozitës janë arrestuar në Rusi për shkak të mbledhje që bënë mbi burgosjen e kritikut të Kremlinit, Alexei Navalny. The Moscow Times shkruan se arrestimet janë bërë për shkak të grupimeve si dhe protestave të shumta që kanë nisur në të gjithë Rusinë për burgosjen e Navalny.
Kritiku i Kremlinit Mikhail Khodorkovsky, në një postim në Twitter i quajti arrestimet anti-kushtetuese.
“Forumi i të gjithë deputetëve të bashkisë ruse është ndaluar në Moskë! Arrestimet janw antikushtetuese,” shkroi ai.
“Një fund shumë simbolik i një forumi të shkurtër: deputetët në furgonët e policisë dhe policia e maskuar po përdredhin krahët e njerëzve,” shkroi një nga të arrestuarit në Facebook.
Ndërsa vetë Policia e Moskës në një deklaratë për mediat tha se arrestimet u bënë për shkak të mos respektimit të masave anti-Covid.
“Shumë nga pjesëmarrësit e konferencës nuk kishin maska, ndërsa disa ishin anëtarë të një organizate, puna e së cilës është deklaruar e padëshirueshme”, tha policia.
Disa nga personat e arrestuar janë opozitarët Ilya Yashin, Vladimir Kara-Murza, Yulia Galyamina, Yevgeny Roizman dhe Andrei Pivovarov si dhe shumë gazetarëtë pavarur.
Arrestimi dhe burgimi i Navalny shkaktoi protesta mbarëkombëtare të rrugëve në Rusi, por aleatët e tij thonë se ata kanë planifikuar protesta dhe demostrata deri në pranverë. Navalny u arrestua sapo u kthye në Rusi nga Gjermania, ku po kurohej ndaj një helimi nga agjentë nervor, për të cilin ai drejtpërdrejt ka akuzuar Putin, por Kremlini i ka mohuar akuzat.
