Aleksandar Vuçiç, presidenti i Serbisë, ka publikuar një hartë të Kosovës të mbuluar me flamurin serb.
Kjo ka bërë që të shkaktojë zemërim në mesin e shqiptarëve, të cilët kanë filluar një fushatë për largimin e saj nga rrjeti social Instagram.
Vuçiq fotografinë e publikuar në llogarinë personale e ka shoqëruar me mesazhin “Serbia sot nuk është e dobët, nuk kërcënon, por dhe nuk harron, dhe nuk do të lejojë që 17 marsi të ndodhë përsëri”.
Ish-Ministri i Punëve të Jashtme Ditmir Bushati në një postim në rrjete sociale ka reaguar për foton e hedhur nga Vucic për vendosjen e flamurit serb mbi hartën e Kosovës.
Bushati është shprehur që hapësira mediatike e vendit ka strehuar zëdhënësit që me mburrje tregonin “risitë” e projektit të copëtimit të Kosovëës, kështu që flamuri serb sipër hartës nuk mund të jetë habi për asnjë.
“Mos u çudisni me flamurin serb të vendosur nga Presidenti i Serbisë mbi hartën e Kosovës, përsa kohë hapësira jonë mediatike strehon zëdhënësit që demonstronin me mburrje ‘risitë’ e projektit të copëtimit të Kosovës!”
