Kryetari i Partisë Demokratike Lulzim Basha ka botuar një libër që mban titullin “Misioni Im”. Botimi i këtij libri vjen surprizë pak ditë para zgjedhjeve të 25 prillit. Kryedemokrati i cili tashmë ka nisur fushatën elektorale në qytetet e Shqipërisë, ka ndarë në ‘Facebook’, një foto ku shkruhet pikërisht titulli i librit të tij të parë.
Në libër flitet për sfidat e opozitës së këtyre 8 viteve, si dhe për arsyet se pse PD duhet të vijë në pushtet.
Kopertina e librit mban foton e kryedemokratit Lulzim Basha, emri i tij i shkruar me shkronja kapitale të bardha, ndërsa titulli i librit po ashtu i shkruar me shkronja kapitale me ngjyra të kuqe.
