Kryeministri Edi Rama ka shkuar ditën e sotme në familjen e Klodian Rashës. Kjo është hera e katërt që kryeministri po viziton familjen e 25-vjeçarit i cili u qëllua nga Navaldo Hadëraj.
Ende nuk dihet se cila ka qënë arsyeja e vizitës së Ramës në familjen e Rashës. Nuk dihet nëse Rama do të prononcohet për gazetarët për këtë takim.
25-vjeçari Klodian Rasha u vra në orët e para të mëngjesit të 8 dhjetorit, teksa po kthehej në shtëpi. Efektivi që e qëlloi për vdekje dëshmoi në Prokurori se kishte dyshuar se i riu kishte armë me vete dhe prandaj kishte shtënë. Ndërsa dëshmia e tij është hedhur poshtë nga familjarët të cilët pretendojnë se i riu nuk kishte në pronësi asnjë armë zjarri. Për vrasjen dha dorëheqjen ministri i Brendshëm, Sandër Lleshaj, ndërkohë që në vendi shpërthyeu në revolta.
