Shifra e të infektuarve me Covid-19 vazhdon të rritet, duke shënuar mbi 126 milionë persona, ndërkohë që kanë humbur jetën 2,767,702 njerëz dhe janë shëruar mbi 101 milionë të tjerë.
Shtetet e Bashkuara renditen të parat me numrin më të lartë të infektimeve ku gjatë 24 orëve të fundit janë shënuar pozitiv me Covid-19 mbi 67,046 persona, duke e çuar numrin në total mbi 30 milionë. Ndërsa kanë humbur jetën mbi 1,165 njerëz dhe numri në total ka shkuar 559,744.
Brazili renditet i dyti ku gjatë orëve të fundit ka shënuar mbi 97,586 persona të infektuar dhe në total ka arritur 12,324,765 njerëz, ndërkohë kanë humbur jetën mbi 2,639 pacientë dhe numri në total i vdekjeve është 303,726.
Situata është problematike dhe në Evropë ku vende si Franca, Spanja, Gjermania, Greqi dhe Italia janë në izolim.
Presidentja e Komisionit të Evropian, Ursula von der Leyen ka mbështetur planin për të bllokuar eksportet e vaksinave nëse është e nevojshme:
Gjermania pritet të shpallë Francën një zonë me rrezik të lartë për koronavirusin. Ky vendim do të merret për shkak të lartë të rasteve të infektimit në Gjermani.
Në Angli, më shumë se 40,600 njerëz kanë qenë të infektuar me koronavirus ndërsa trajtoheshin në spital për një arsye tjetër, kjo ka ngritur shqetësime te siguria në spitale.
Australia ka shënuar rastin e parë të infektimeve në vend që prej një jave, duke bërë që qeveria të shtojë masat parandaluese.
Moderna ka vonuar dërgimin e 590,400 dozave të vaksinës në Kanada. Kolumbia ka aprovuar përdorimin emergjent të vaksinës Covid-19 Johnson & Johnson.
