Disa të shtëna me armë zjarri kanë terrorizuar banorët në fshatin Ferras të Divjakës. Paraprakisht raportohet se një person ka qëlluar me armë zjarri në ajër pranë banesës së ish-punonjësit të Forcave të Ndërhyrjes së Shpejtë, Pëllumb Beqiri.
Pas alarmit të vënë nga banorët, në fshat ka mbërritur Policia, e cila ka nisur nga puna për zbardhjen e ngjarjes. Ndërkohë që deri më tani nuk raportohen për të lënduar në njerëz, megjithatë ka nisur krehja e zonës për të kapur autorin e të shtënave.
