Lushnjë- Orët e para të këtij mëngjesi, në derën e një ambienti në lagjen “Skënder Libohova” të Lushnjës, ka shpërthyer një sasi e vogël e dyshuar si lëndë plasëse. Nga shpërthimi është dëmtuar vetëm dera e jashtme.
Bëhet me dije se në objektin ku ka shpërthyer tritoli i përket Arjan Aliços, një person me precedent të theksuar kriminal, i njohur ndryshe si një nga ish-anëtarët e bandës së Aldo Bares.
Lënda plasëse ishte vendosur në qepenin e dyqanit pranë banesës së Arian Aliço. Nga shpërthimi është dëmtuar qepeni i dyqanit, ndërsa mësohet se kjo nuk është hera e parë që sulmohet objekti në pronësi të Aliços. Kujtojmë se më 30 janar të vitit 2018 persona të pa identifikuar kanë qëlluar me breshëri plumbash në drejtim të banesës.
Ndërkohë Arjan Alico sëbashku me të birin Xhuljo Aliço janë të arrestuar për një ngjarje të ndodhur në vitin 2016 ku akuzohen për plagosjen e rëndë të shtetasit Julian Sula.
Njoftimi i policisë:
‘Rreth orës 03:25, në lagjen “Skënder Libohova” Lushnjë, në derën e jashtme të një ambienti që ka shërbyer më parë si dyqan, në pronësi të shtetasit Arjan Aliço, ka shpërthyer një sasi e vogël e dyshuar lëndë plasëse. Policia njofton se për pasojë është dëmtuar vetëm dera (qepeni) i këtij ambienti. Grupi hetimor nën drejtimin e Prokurorisë Lushnjë po vijon punën për zbardhjen e ngjarjes, identifikimim dhe kapjen e autorëve.’- njofton policia.
