Vlorë- Deputeti Vullnet Sinaj njëkohësisht kandidat në zgjedhjet e 25 prillit ka zhvilluar takimet me fermerët e fshatrave Mazhar- Sevaster.
Gjatë takimit u diskutuan çështjet që prekin jetën e komunitetit, ku deputeti Sinaj u shpreh se kandidimi i mandatit të dytë vjen si përgjegjësi e shtuar për të merituar besimin e njerëzve.
Në Mazhar-Sevaster, me fermerë dhe banorë të tjerë duke diskutuar çështje që prekin jetën e komunitetit. I falenderova për mbështetjen e hapur. Kandidimi im i dytë për deputet vjen si përgjegjësi e shtuar për të merituar besimin e njerëzve. Dy gjëra vazhdoj t’i premtoj kudo që shkoj. Nuk do të shkëpus asnjëherë lidhjen me zonën dhe do t’ja hap telefonin dhe do të mirëpres këdo që ka një shqetësim a problem. Do të punojmë më fort gjatë legjislaturës së ardhshme. Sepse s’ka kohë për pushim!– shkruan deputeti Sinaj.
