Boris Johnson, kryeministri britanik, është nën hetim për shpenzimet e pushimeve në Karaibe me partneren e tij Carrie Symonds gjatë Krishtlindjeve të vitit 2019.
Sipas The Guardian, komisioneri parlamentar i standardeve, Kathryn Stone, konfirmoi ditwn e sotme se po hetonte një shkelje të mundshme të kodit të sjelljes së deputetëve.
Downing Street më parë ka thënë se “të gjitha kërkesat përkatëse të transparencës” janë përmbushur rreth udhëtimit në Mustique, një ishull privat në arkipelagun e Shën Vincentit dhe Grenadines.
Johnson kaloi 10 ditë pushim në vila luksoze me vlerë 15,000 paund. Në fillim, kryeministri tha se ai kishte pranuar akomodimin për një pushim privat me partneren e tij me vlerë 15 000 paund, duke përmendur donatorin konservator David Ross si sigurues.Por një zëdhënës i z. Ross, bashkëthemelues i Carphone Warehouse, mohoi se ai kishte paguar për të.
