Dy persona, babë e bijë raportohet të kenë ndërruar jetë si pasojë e një aksidenti automobilistik. Mësohet se ngjarja e rëndë ka ndodhur në fshatin Kolonjë në Lushnje.
Babë e bijë kanë qenë duke udhëtuar në të njëjtin mjet drejt fshatit Kolonjë. Në hyrje të fshatit, drejtuesi i mjetit ka humbur drejtimin dhe ka dalë nga rruga duke përfunduar i përmbysur. Si pasojë e përplasjes babë e bijë që ndodheshin brenda makinëns kanë ndërruar jetë në vend.
Ende nuk dihen identitetet e tyre apo shkaqet që solli humbjen e drejtimit të mjetit. Grupi hetimor dhe policia kanë shkuar në vendin e ngjarjes dhe po hetojnë për rrethanat e ngjarjes së rëndë.
