Gjergj e Vitore Doçi është çifti i bashkëshortëve që ranë pre e grabitjes. Burime bëjnë të ditur se ndodhen në spital, pasi kanë marrë dëmtime nga dhuna që është ushtruar.
Ngjarja ndodhi gjatë natës në fshatin Spiten të Lezhës, ku dy persona të paidentifikuar u futën në banesë, ku përveçse morën një sasi parash dhe dy celularë dhunuan familjarët.
“Më datë 24.05.2021, pas mesnatës, në fshatin Spiten, Lezhë, jemi njoftuar nga shtetasi Gj.D., se dy persona të paidentifikuar kanë vjedhur në banesën e tij duke i dhunuar atë dhe bashkëshorten shtetasen V.D.,47 vjeçe, një sasi lekësh dhe 2 aparate celularë. Në vendngjarje janë fiksuar prova materiale të lëna nga autorët, të cilat do të shërbejnë për zbardhjen e ngjarjes dhe identifikimin e kapjen e autorëve. Gjithashtu, janë shoqëruar në Komisariat disa persona që dyshohet të kenë dijeni për ngjarjen”, thuhet ne njoftimin e policise.
Janë ngritur pika kontrolli në hyrje-dalje të qytetit dhe po vijon krehja e zonës, me qëllim kapjen e autorëve.
