Një ngjarje tepër e rëndë është regjistruar në Londër mbrëmjen e djeshme rreth orës 21:00. Një bandë e armatosur me hanxhar dhe thika kanë sulmuar një person. Ngjarja ndodhi në Hyde Park, ndërsa videot tronditëse që u ngarkua në mediat sociale tregojnë se si kriminelët shkelmojnë dhe godasin viktimën pas një sulmi me hanxhar, ndërsa një turmë njerëzish vrapojnë të tmerruar për të shpëtuar.
Një video tjetër tregon bandën duke ndjekur burrin fatkeq në park para se ai të humbasë ekuilibrin e tij dhe të bjerë në tokë ndërsa më pas merr goditje dhe goditje në kokë e trup. Në të njëjtën kohë, një grua në panik dëgjohet të bërtasë: “U ther me thikë! Ka një thikë, ka një thikë! Oh Zoti im!”.
Në fund të videos, viktima duket se është shtrirë pa ndjenja në tokë. Ai më pas u dërgua në një spital në Londrën qendrore. Dje policia tha se beson se i plagosuri do të jetojë. Autorët e krimit deri më tani mbeten të pa arrestuar.
Hyde Park, parku më i madh në Londër, ishte i mbushur me njerëz. Ky është sulmi i pestë në Londër brenda pak ditësh.
