Dejli Blind, lojtar i kombëtares holandeze, pati pësuar disa kohë më parë një arrest kardiak; pavarësisht kësaj ka rinisur aktivitetin sportiv.
Dhe tani mbrojtësi 31-vjeçar i Ajaksit, i cili gjithashtu ka luajtur në Premier Ligë (me Mançesterin) i ka dërguar një mesazh ish-shokut të tij të skuadrës, Kristian Eriksen.
“Imazhet e tij në fushë patën një impakt të madh mbi mua. M’u desh të kaloj një pengesë të madhe psikologjike për t’u rikthyer sërish në fushë. Kur më ndodhi mua e gjithë bota thoshte që kisha mbaruar si lojtar, që nuk do të isha rikthyer më. Dhe ja ku ndodhem tani. Për këtë arsye, u them të gjithëve: Lëreni Kristianin në paqe”.
