Kryeministri Edi Rama ka prezantuar sot në rrjetet sociale Portalin Kombëtar të Punësimit. Ai shprehet se kjo është një risi digjitale që do të shërbejë si vendtakimi mes punëkërkuesve dhe punëdhënësve.
“Mirëmëngjes dhe me risinë tjetër digjitale, Portalin Kombëtar të Punësimit, vendtakimi mes punëkërkuesve dhe punëdhënësve, ju uroj një ditë të mbarë. *për punë të denjë dhe të ardhme të sigurtë, kliko në http://www.puna.gov.al/”, shkruan Rama.
Me këtë platformë mundësohet një sistem dhe infrastrukturë që i përgjigjet tregut të punës, punëkërkuesve dhe punëdhënësve. Portali i publikuar sot nga kryeministri Rama, është platforma që i përgjigjet çdo kërkesë të tregut. Aktualisht, në portal janë 1470 oferta punësimi në 65 qytete të Shqipërisë.
