4 viktimat e aksidentit të sotëm në autostradën Fier-Vlorë, në vendin e njohur si “Kripë”, janë nga Patosi i Fierit. Burime për bëjnë me dije se ata janë me mbiemër Gushi, ndërsa ende nuk dihet identiteti i tyre. Ndërsa drejtuesi i automjetit tip Audi, bashkë me dy pasagjerët e tij, është i plagosur dhe në spital, dhe për të nuk dihet asgjë. Deri më tani nuk janë dhënë të dhënat e identitetit të tij, apo dinamika e aksidentit nga Policia e Shtetit.
Si ndodhi aksidenti?
Familja ishte duke udhëtuar në autostradën Fier-Vlorë në drejtim të Vlorës, në momentin kur janë goditur nga makina “Audi”, nga mbrapa. Pasi ka goditur me fuqi “Toyota-n”, makina është përplasur me shtyllën e energjisë elektrike dhe më pas ka dalë nga rruga. Forca goditëse e Audi-t ka qenë e madhe, duke shkaktuar daljen e menjëhershme nga rruga të makinës “Toyota” e cila u copëtua nga goditjet.
Dyshohet se shkak për aksidentin ka qenë shpejtësia e lartë e automjetit tip “Audi”, që ka shkaktuar aksidentin. Drejtuesi i mjetit dhe pasagjeri i makinës ndodhen në spital ku po marrin ndihmën e parë mjekësore, ndërsa pritet të zbardhen identitetet e viktimave dhe të personave të përfshirë në aksident.
