Aleanca për Mbrojtjen e Teatrit Kombëtar kanë bërë një akuzë të fortë ndaj ambasadorit të Bashkimit Europian, Luigi Soreca. Në një prononcim për mediat, Adriana Kalaja ka denoncuar se disa momente para gjyqit për shembjen e Teatrit Kombëtar, Soreca ka lobuar tek kryegjyqtarja Vitore Tusha në favor të kryebashkiakut të Tiranës, Erion Veliaj.
Në fjalën e saj, ajo ka bërë me dije se informacioni është siguruar nga mbështetës së Aleancës për Teatri, duke pretenduar se së shpejti do të ketë edhe një kallëzim në Prokurorinë e Posaçme për të hetuar denoncimin.
“Mbështetës të Aleancës për Teatrin që punojnë tek bizneset përballë godinës së Gjykatës Kushtetuese kanë konstatuar se ambasadori Soreca ka bërë një takim me kryetaren e Gjkayës. Nuk është bërë publik. 5 minuta para seancës ka dalë nga dera e pasme. Jemi të shqetësuar, nuk e kuptojmë arsyen se pse duhet të vijë ditën e seancës për Teatrit Kombëtar. Të bëhet publike nëse ky takim ka qenë i programuar, çfarë është diskutuar dhe pse nuk e kanë bërë publike detajet nga takimi siç ndodh kur takohen kryetarë të KLGJ apo KLP. Fakti që është mbajtur e fshehtë, cënon shumë njëanëshmërinë e Gjykatës Kushtetuese dhe pavarësinë e pushtetit. Takimi është zhvilluar brenda dhe informacioni që kemi është se Soreca ka ardhur për të lobuar në emër të kryebashkiakut Erion Veliaj. Kemi kërkuar nga kryetari i SPAK që të sekuestrojë gjithë kamerat nga biznesve. Do kërkojmë edhe përjashtimin e kryetares nga trupi gjykues. Do ia bëjmë me dije BE sesi një ambasador vjen dhe bën presion pranë Gjykatës Kushtetuese. Do kallëzohet dhe penalisht. Po ashtu do të bëhet me dije edhe BE. Jemi të vendosur dhe do t’a çojmë deri në fund,”-tha ajo. Ndërkohë që ende nuk ka një reagim nga ana e ambasadorit të BE-së lidhur me akuzat e lëshuara nga ana e Kalasë.
Për një vendim kundër shembjes së Teatrit Kombëtar votimi duhet të 5 me 2 në favor të Teatrit, ndërsa ndarja e gjyqtarëve 4 me 3 i jep të drejtë qeverisë dhe Bashkisë së Tiranës për shembjen e godinës. Teatri Kombëtar u shemb mëngjesin e 17 majit, ngjarje që solli protesta dhe përplasje mes policisë dhe aktivistëve për mbrojtjen e Teatrit. Vetë kreu i shtetit, Ilir Meta kundërshton ligjin special për ndërtimin e teatrit të ri, si dhe kalimin e truallit në pronësi të Bashkisë Tiranë.
