David dhe Victoria Beckham po festojnë 22 vite të mbushura me dashuri, lumturi dhe me veshje matchy-matchy. David postoi një dedikim të ëmbël për gruan e tij në përvjetorin e tyre të 22-të të martesës, duke ndarë disa foto ndër vite me veshje matchy-matchy.
“22 vjet më vonë, akoma veshje matchy-matchy … Gëzuar përvjetorin! Të dua kaq shumë dhe të falënderoj që më dhurove fëmijët tanë të mahnitshëm, në mënyrë që të gjithë të mund të visheshim njësoj”, -shkroi David përkrah fotove duke bërë shaka.
Fotografitë përfshinin pamjet e çiftit, por edhe të fëmijëve të tyre, të gjithë të veshur njësoj. David dhe Victoria u martuan më 4 korrik të vitit 1999.
Edhe Victoria e uroi David për përvjetorin, duke ndarë një video përmbledhëse të disa momenteve së bashku.
