TIRANË– Kreu i policisë së shtetit, Ardi Veliu ka mbledhur mëngjesin e sotëm, shefat e komisariateve dhe zëvendës drejtorët e policisë. Pas ndryshimeve të bëra tek drejtuesit e 10 qarqeve në vend, tani pritet që ndryshimet të prekin sipas hirearkisë dhe shefat e komisariateve dhe nëndrejtorët e policisë në rrethe.
Kjo mbledhje, vjen një ditë pasi kryeministri Edi Rama e akuzoi Policinë e Shtetit në totalin e vet si të korruptuar, pa etikë para qytetarit dhe shumë herë të vënë në shërbim të bizneseve të paligjshme. Rama vendosi afatin 100 ditor për të bërë shembuj konkret.
“Asnjë ditë më shumë, që qytetarët të marrin frymë shumë të lehtësuar, duke e parë Policinë e Shtetit në një nivel tjetër. 100 ditë. Ky është një objektiv i palëvizshëm në çdo qark”, ishte urdhëri i PRERË i Ramës.
