Duka i Sussex do të ndajë “gabimet dhe mësimet e marra” gjatë jetës së tij në një libër që do të botohet vitin e ardhshëm. Princi Harry tha se ai do të reflektonte nivelet e larta, të ishte i saktë dhe plotësisht i vërtetë.
Harry, i cili së bashku me gruan e tij Meghan u tërhoq nga detyrat mbretërore vitin e kaluar, do t’i dhurojë të ardhurat nga libri për bamirësi. BBC-së i është thënë që duka kohët e fundit ka folur privatisht me familjen rreth shkrimit të librit.
Duka, 36 vjeç, tha në një deklaratë: “Unë po e shkruaj këtë jo si princi që kam lindur, por si njeriu që jam bërë.”
Ai shtoi: “Kam veshur shumë kapele gjatë viteve, si fjalë për fjalë dhe në mënyrë figurative, dhe shpresa ime është që në tregimin e historisë sime – ngritjet dhe uljet, gabimet, mësimet e marra – mund të ndihmojnë dikë pavarësisht se nga vijmë, ne kemi më shumë të përbashkëta sesa mendojmë.“
Shtëpia botuese Penguin Random House, në një njoftim për shtyp e përshkroi librin si “intim dhe të përzemërt” dhe “të ndershëm dhe prekës”. Në maj, u njoftua që Dukesha e Sussex do të botonte një libër për fëmijë, për marrëdhëniet babë-bir, siç shihet nga sytë e nënave me të njëjtin botues.
Thuhej se ishte frymëzuar nga lidhja e Harry-t dhe djalit të tyre.
