IRAK- Numri i personave të vrarë nga sulmi me bombë në Bagdad ka shkuar 35. The Guardian shkruan se nga sulmi gjithashtu kanë ngelur të plagosur mbi 60 persona. Sulmi ndodhi ditën e djeshme në prag të festivalit të Kurban Bajramit.
Pas ngjarjes Kryeministri i Irakut Mustafa al-Kadhimi mblodhi të gjithë komandantët e lartë të sigurisë për të diskutuar sulmin, ndërsa Presidenti Barham Salih në një postim në Twitter tha se ky ishte një krim i tmerrshëm dhe se ata nuk do të pushojnë deri sa terrorizmi të zhduket në Irak.
“Me këtë krim të tmerrshëm ata shënjestruan civilë në qytetin Sadr në prag të Bajramit. Ne nuk do të pushojmë para se terrorizmi të zhduket,” shkroi ai.
