Eliona Pitarka është shumë e rezervuar kur vjen puna tek partneri i saj. Aktorja e humorit është kujdesur prej vitesh që identiteti i tij të mos bëhet publik, duke mos e publikuar atë në rrjete sociale, ose duke ndarë me ndjekësit vetëm foto ku fytyra nuk dallohet.
Dyshja sot janë bërë edhe prindër, pasi mirëpritën në jetë vajzën e tyre, Galan, vetëm pak muaj më parë. Gjatë kësaj kohe, Eliona është munduar të jetë aktive në rrjete sociale, pavarësisht angazhimeve si nënë e re, apo edhe atyre në punë.
Së fundmi, gjatë një bisede virtuale, ndjekësit, të cilët janë shumë kuriozë të dinë detaje rreth partnerit të aktores, e kanë pyetur përse nuk e publikon asnjëherë atë.
“Sepse burri im, nuk e duron dot fare vëmendjen dhe faktine të qenit në qendër të saj! Vihet shumë në siklet dhe unë e respektoj dëshirëne tij për të qëndruar larg saj!”, u përgjigj një herë e mirë Eliona.
Vetëm pak ditë më parë, Pitarka tregoi se sa shumë është paragjykuar në rrjete sociale për shkak se i preu flokët vajzës pa bërë ende një vjeç. Nisur nga kjo, aktorja i dha një mesazh të gjithëve, duke thënë se çdo nënë mund të bëjë ç’të dojë me fëmijën e saj.
Katër muaj pas lindjes, Pitarka ka arritur të rikthehet sërish në formë, e kjo duket lehtësisht tek fotot me bikini që ka publikuar në Instagram-in e saj. Ajo ka pozuar disa herë e veshur me bikini, duke treguar se ndihet shumë mirë nën lëkurën e saj.
