Ditët e fundit, vendi ynë është përfshirë nga një valë e rrezikshme zjarresh, të shtrira nga zonat bregdetare deri në male. Kjo situatë ka krijuar vështirësi të mëdha për banorët e fshatrave të prekur, gjithashtu për operatorët turistikë, të cilët ndodhen në kulmin e sezonit.
Big Market është ndër të parët, të cilët ofruan ndihmën e tyre në solidaritet me situatën, duke dhuruar sasi të mëdha uji të pijshëm për ekipet zjarrfikëse, të cilët prej ditësh me radhë gjenden në vijën e parë të luftës.
“Për këtë arsye, solidariteti në në tilla emergjenca është përgjegjësi ndaj të mirës së përbashkët dhe kujdes ndaj aseteve tona më të çmuara, që janë njerëzit dhe stafet profesioniste në terren,”-– shprehen përfaqësuesit e Big Market.
Big Market zhvillon fushata të vazhdueshme në solidaritet dhe në ndihmë të komuniteteve ku ata operojnë, në të gjitha qytetet e vendit.
