Mijëra afganë ndodhen në aeroportin e Kabulit ku është krijuar situatë kaotike nga ulërimat e panikut, të cilat herë pas here përzihen me zhurmën e armëve që forcat amerikane i përdorin për të ulur tensionet dhe kaosin në vend.
Videoja e cila po bën xhiron e rrjetit paraqet disa gra dhe vajza të cilat ulërasin për ndihmë pas kangjellave me hekura, të vendosura nga ushtria amerikane, të cilat duken si ‘portat e ferrit’ që i pengojnë ato të futen në aeroport e të largohen nga vendi i cili po i ‘shkatërron’. Gratë bërtasin në video ku i kërkojnë ushtarëve amerikanë që ti largojnë nga aty duke thënë ‘Talebanët po vijnë’.
