GJKKO ka lënë në burg aksionerin kompanisë ”Alba Exotic Fruit”, Bajron Gumeni, të arrestuar pak kohë më parë për kapjen e kokainës në kontejnerin me fruta ekzotike në Portin e Durrësit. GJKKO e ka lënë në burg Gumenin, i dyshuar për trafik ndërkombëtare droge në kuadër të grupit të strukturuar kriminal.
Gumeni është administrator dhe aksioner i “Alba Exotic Fruit”. Në kontejnerët që vinin për llogari të kësaj kompanie janë kapur disa sasi kokaine në portin e Durrësit.
Sjellim në vëmendje se Bajron Gumeni u arrestua në lidhje me kokainën e kapur rreth një muaj më parë në portin e Durrësit, pasi ishte administrator i firmës “Alba Exotic”, kompanisë që importon banane dhe që në kontejnerin e të cilës u kap sasia prej 11 kg e 650 gram kokainë më 14 korrik. Pas kësaj ngarkese në kontejnerët e kompanisë Alba Exotic, u kapën të tjera sasi kokaine të fshehura në kontejner.
